Құрметті жерлестер!

Баршамыздың шаңырағымыз үшін ең қуанышты және сүйікті мереке – бір-бірімізге, өз туғандарымыз бен жақындарымызға бақыт пен амандық тілейтін Жаңа жыл мерекесіне де сәл ғана уақыт қалды.

Жаңа жыл – үміт пен ең ардақты армандардың орындалатын мерекесі. Және де өткенге көз салып, өтер жылдың кей қорытындыларын шығаратын уақыт.

Ол іргелі істер мен жағымды жаңалықтарға толы болды. Ел Президенті, Ұлт Көшбасшысы Нұрсұлтан Әбішұлы Назарбаевпен алға қойылған жаңа межелі міндеттерді жармалықтар барлық елімізбен бірге жүзеге асырды.

Біз осы жылды өнеркәсіптегі, ауыл шаруашылығындағы, шағын және орта бизнестегі және экономикалық-әлеуметтік өзге де салалардағы жоғары көрсеткіштермен аяқтағалы отырмыз. Мемлекеттік үдемелі индустриялық-инновациялық даму бағдарламасы және мемлекеттік, салалық бағдарламалар шеңберінде бірнеше инвестициялық жобалар жүзеге асырылуда. Бұл – әр отбасы өмірінің ұзақ мерзімді дамуына негіз салынғанының дәлелі. Осыған орай жемісті еңбектеріңіз бен аймақ дамуына қосқан өлшеусіз еңбектеріңізге зор алғысымызды білдіреміз.

Біз келешекте де әрбір жармалықтардың жұмыста, ғылымда, оқуда, шығармашылықта, қоғамдық өмірде өз мүмкіншілігін жүзеге асыруға барлық жағдай жасаймыз. Өйткені, біздің ауданның өркендеуі – оның барлық тұрғындарының өркендеуі.

Құрметті жерлестер!

Сіздерді Жаңа жыл мерекесімен шын жүректен құттықтаймыз!

Сіздер үшін ол құтты және берекелі болып, шаңырақтарыңызға мол қуаныш, сәттілік әкелсін! Жоспарларыңыз орындалып, болашаққа сенімдеріңіз нығайсын! Сіздерге зор денсаулық, бақыт пен амандық тілейміз!

ҚҰРМЕТТІ ЖАРМАЛЫҚТАР!

Сіздерді Ұлыстың ұлы күні – Наурыз мерекесімен шын жүректен құттықтаймын!

Наурыз Шығыс халқы үшін ортақ мереке болып табылады. Бұл кешірім мен қайырымдылық, үміт пен келісім, ізгілік пен өзара түсіністік мерекесі.

Осынау күні біз өткен кезеңге көз жүгіртіп, алдағы істерімізді жоспарлап, егемен еліміздің гүлденуін, жасампаздығын қалыптастырамыз. «Ұлыстың ұлы күні айтылған барлық тілек қабыл болады» – дейді дана халқымыз.

Тамырын тереңнен тартқан осынау мейрам береке мен бірліктің, тазалық пен татулықтың мызғымас тұғыры саналады.

Бүгінде Наурыз мерекесі жаңаша мазмұнмен толыға түсті. Бұл мереке ұлтына және дініне қарамастан Қазақстанда тұрып жатқан барша азаматтарды бір мақсатқа тоғыстырады.

Наурыз мерекесі баршаңызға жаңа жетістіктер, молшылық пен татулық әкелсін. Әрбір жаңа күн әр отбасына шат көңіл, бақыт пен береке әкелсін!

Құрметті жармалықтар!

Сіздерді келе жатқан Жаңа 2015 жылмен шын жүректен құттықтаймын!
2014 жыл еліміз үшін шын мәнінде бірлік пен берекенің, жаңа жетістіктер мен мүмкіндіктердің кезеңі болды деп айтуға болады, ол еліміздің тарихына алтын әріптермен жазуға тұрарлық жыл болып енді.
Қазақстан экономикада еңселі биіктерді еңсеріп, әлемнің бәсекеге қабілетті ең серпінді дамыған 30 елінің қатарына қосылу жолында маңызды қадамдар жасалды.
Еліміздің бүгінгі жеткен жетістіктері сіздердің еселі еңбектеріңізсіз мүмкін болмас еді. Өтіп бара жатқан жыл ішінде жасампаз еңбек, ынтымақ, өзімізге деген және келешекке деген сенім жас әрі жасампаз мемлекетіміздің дамуы мен табысының негізгі жолы екендігіне көз жеткіздік.
Мемлекет басшысы Нұрсұлтан Назарбаев «Нұрлы жол – болашаққа бастар жол» Жолдауында: «Алда үлкен де жауапты жұмыстар тұр. Толысқандықтың жаһандық сынынан өту үшін біздің топтаса білуіміз қажет. Біз барлық қазақстандықтар арасындағы сенімді нығайтуға тиіспіз! Бір-бірімізге тағатты болуымыз керек! Бұлар – Қазақстанның болашағына кілттер»,- деген болатын.
Басымызды біріктіретін жаңажылдық мейрам күндері бізге әрдайым алдағы қиындықтарды еңсеруде, үлкен істерді жүзеге асыруда береке-бірлігімізді арттыра түссін.
Тарих қойнауына кетіп бара жатқан 2014 жыл тарту еткен барлық жақсылық атаулы жарасымды жалғасын тапсын.
Елiмiзде тыныштық пен ынтымақ салтанат құрып, Тәуелсiздiгiмiз мәңгi болғай!
Жаңа жыл жаңа жетістіктердің және үміттердің жүзеге асқан жылы болсын. 2015 жылдың әр таңы сәттілікке толы болып, Сіздерге зор денсаулық пен бақыт сыйласын!

Құрметті жерлестер!

Сіздерді жалпыхалықтық мереке – Конституция күнімен шын жүректен құттықтаймын!
1995 жылғы 30 тамызда жалпыхалықтық референдумда республика азаматтарының тікелей еріктерін білдіру жолымен қабылданған Конституция қоғамның дәйекті дамуы үшін жағдайлар жасап, біртұтас Қазақстан халқын танытатын барлық ұлттар өкілдерінің тең құқықтарын қамтамасыз етті.
Шын мәнісінде, қазіргі Конституцияның жасаушысы халық болып табылады, бұл оған тек жоғары заңдық қана емес, рухани-адамгершілік те қуат береді.
Өзінің әрекет еткен кезеңінде Конституция тиімділігін танытып, ТМД аумағында, халықаралық деңгейде жоғары бағаға ие болды.
Негізі заң азаматтарға негізгі құқықтар мен бостандықтарға кепілдік беретін демократиялық заңшығармашылықтың іргетасына айналып, мемлекет тәуелсіздігін түпкілікті бекітті. Негізгі міндеттер шешімін тапты: мықты мемлекет құрылып, халықтың әл-ауқаты артып, еліміз халықаралық қоғамдастықта лайықты орын алды.
Мемлекетіміздің әрі қарай дамуының кепілі көп ұлтты халықтың бірлігі, әрқайсымыздың ортақ іске үлесіміз болып табылады.
Сіздерге шын көңілден мықты денсаулық, отбастарыңызға бақыт-береке, ортақ үйіміз – Қазақстан Республикасының әрі қарай гүлденуін тілеймін!

Құрметті қауым! Қадірлі жамағат!

Сіздерді қасиетті Ораза айының дәстүрлі жалғасы ораза айт мерекесімен шын жүрегімнен құттықтаймын. Елбасымыз Нұрсұлтан Назарбаев: «Тегіміз мұсылман, дініміз ислам, кітабымыз құран» – деп айтқандай, біз мұсылман үмбетінің бір бөлігі екенімізді мақтан тұтамыз. Ол біздің дәстүріміз. Бірақ, бізде зайырлы қоғамның дәстүрлері де бар екенін, Қазақстан зайырлы мемлекет екенін ұмытпауымыз керек. Бүгінгі күні діни сауаттылықты арттыру, жастарды имандылыққа тәрбиелеу қоғам алдында жаңа міндеттер қойып отыр. Оған барша жұртшылық болып атсалысумыз керек .
Барлықтарыңызға зор денсаулық, отбастарыңызға тыныштық, жақсылық, қуаныш, тілеймін!
Ораза айт мүбәрәк болсын!

Құрметті жармалықтар!

Сіздерді келе жатқан қасиетті рамазан ай мерекесімен құттықтаймын!
Рамазан айы- мерекесі мұсылмандар үшін маңызды және үлкен қуанышпен аталып өтеді. Қасиетті Рамазан айында мұсылмандар бір-біріне құттықтап ізгі ниеттерін жолдап, мұқтаж жандарға қайырымдылық көмек көрсетеді.
Қазіргі таңда Қазақстанда тыныштық және бейбітшілік орнаған. Елбасымыз Нұрсұлтан Назарбаев негізін қалаған рухани келісім мен өзара сыйластықта асыл парызымыз.
Барлықтарыңызды қасиетті рамазан айы мерекесімен құттықтай келе отбасыларыңызға дәулет-береке,бірлік, еліміздің гүлдену жолындағы қызметтеріңізге табыс тілейміз.

Құрметті Жармалықтар!

Сіздерді Ұлы Отан соғысындағы Жеңістің 69 жылдығымен шын жүректен құттықтаймын!
Ұлы Отан соғысының отты жылдары уақыт өткен сайын алыстағанмен, біз халық ерлігінің ұлылығын және Отан үшін жан аямай арпалысқан батырлардың есімдерін ешқашан ұмытпақ емеспіз. Әкелер мен аталардың майдандағы достығы халық бірлігінің мызғымастығына арқау болды. Ардагерлердің ақыл-парасаты, даналығы мен өмірлік мол тәжірибесі бізге бүгінгі жаңа Қазақстанды құруға, көп ұлтты елімізде бейбітшілік пен келісімді сақтауға елеулі көмегін тигізуде.
Аға буынның қаһармандық істері асқан қайраттылықтың, мұқалмас табандылық пен жанқиярлықтың өшпес өнегесі ретінде ұрпақтан-ұрпаққа жалғаса бермек.
Ұлы Жеңістің тағылымы ұрпақ тәрбиесінде патриоттық сезімді қалыптастырудың маңызды құралына айналуы үшін барлық күш-жігерімізді жұмсау – біздің ортақ борышымыз болып табылады.
Баршаңызға бейбітшілік пен келісім, қуаныш пен шаттық, Отан игілігі жолында жасампаз еңбек тілеймін!

Құрметті Жармалықтар және аудан қонақтары!

Сіздерді Отан қорғаушылар күнімен шын жүректен құттықтаймын!
Әскери қызмет қай кезеңде де әрбір азаматтың қасиетті де абыройлы борышы, ержүректік пен жанқиярлықтың мектебі болып табылады.
Президентіміз бен ел басшылығы республиканың қорғаныс қабілеттілігін арттыруға үлкен көңіл бөлуде, өйткені Қазақстанның қорғаныстық әлеуетін нығайту және ұлттық мүдделерімізді сенімді қорғау – мемлекеттің тұрақты дамуының, азаматтардың бақуатты тіршілігінің негізі саналады.
Бүгінгі таңда қазақстандық жауынгерлер Отанға деген шексіз сүйіспеншілік, оны қорғауға әр кез дайын тұру сияқты жоғары қасиет-сапаларымен танылып, аталар мен әкелердің даңқты ерлік жолын лайықты жалғастырып келеді.
Ауданның барлық тұрғындарын осы жарқын мерекемен құттықтап, шынайы көңілден мығым денсаулық, барлық бастамаларыңызға табыс, егемен Қазақстанның өркендеуі жолында еңбектеріңізге тың жетістіктер тілеймін!

Баршаңызды Жаңа жыл мерекесімен шын жүректен құттықтаймын!

Қазақстанның алтын ғасырының тағы бір жылы тарих қойнауына сіңіп барады. Тәуелсіздіктің таңы атқан тұста бір қаламгер күнделігіне: «Баба жыл кетіп, балаң жыл келді», – деп жазыпты. Шынында, тарих үшін бір тұтам, жиырма жылдан астам уақыттың ішінде қос ғасырдың үлесіне татырлық табысқа қол жетті. Соның ішінде биылғы жылдың да орны ерекше.
Қазақстан Республикасының Президенті, Ұлт көшбасшысы Н.Ә.Назарбаев «Қазақстан – 2050» Стратегиясы: қа¬лыптасқан мемлекеттің жаңа саяси бағыты» атты Қазақстан халқына Жолдауында: «Бүгінгі күні біздің әрқайсымыз «2030 Стратегиясы» іске асты, заманауи Қазақстан орнықты» деп айта аламыз. Бұл – біздің бірлігіміздің, табанды да қажырлы еңбегіміздің нәтижесі, ұмтылыстарымыз бен үміттеріміздің жанды көрінісі», – деп атап көрсетті.
Астана біздің бойтұмарымыз бен мақтанышымызға айналды. Қазақстан – күллі әлем таныған, құрметтеп төріне оздырған беделді мемлекетке айналды, Кеңестер Одағынан кейінгі кезеңдегі тұтас кеңістікте ЕҚЫҰ-ға төрағалық еткен, осы Ұйымның Саммитін өткізген және ғаламдық ауқымдағы іс-шара – «ЭКСПО-2017» өзінде өткізетін тұңғыш ел.
Халықтың тұрмыс деңгейі мемлекетіміздің саясаты үшін әрқашан басты өлшем болып келді, әрі солай болып қала береді. Асылын ардақтай білетін халқымыз тәуелсіздіктің қадірін бір сәт те түсірген жоқ.
Жыл құсындай келетін Жаңа жылдан адамзат жақсы үміт күтеді. Төрімізге енгелі тұрған 2013 жыл бүкіл қазақстандықтармен бірге қасиетті Жайық елі үшін де ерекше жыл болмақ. Өйткені ұлы бастамалардың жаңа биігіне шығар алғашқы баспалдақ іспетті.
Баршаңызды Жаңа жыл мерекесімен шын жүректен құттықтаймын! Көңілдеріңіз аппақ қардай кіршіксіз таза болсын, асқақ арман-мұраттарыңыз орындалсын! Ең бастысы, Отанымыз гүлденіп көркейе берсін, әр шаңырақ қуанышқа бөленіп, еліміз тыныш, жұртымыз аман болсын!

Құрметті Жармалықтар және аудан қонақтары!

Қазақстан Республикасының Тәуелсіздік күні мемелекеттік мерекесімен шын жүректен құттықтаймын.
Осы жылдар ішінде Қазақстан жаңа мемелкеттің қалыптасуын көрді, бір мезгілде тиімді экономикалық реформалар жүргізді. Бұл мереке мемлекеттің тәуелсіздігі және еркіндігінің нышаны болып саналады. Шағын тарихи кезеңде Қазақстан халқы демократиялы, құқықты және экономикасы тәуелсіз мемлекет құра алды.
Елбасының арқасында еліміз экономикалық және әлеуметтік дамудың өтпелі кезеңін табысты аяқтап, жаңа сапалық өсімге қол жеткізді.
Индустриалды-инновациялы бағдарламалар шегінде елімізде жаңа өнеркәсіптер ашылып, ауыл шаруашылығы дамуда.
Бұл салтанатты күнде, сіздерге және сіздің отбасыңызға шын жүректен мықты денсаулық, татулық пен бірлік, жетістіктер мен амандық тілеймін. Гүлдене бер Отаным – Тәуелсіз Қазақстан!